German champion Bayern Munich in FC Cologne lakah point hmu turin huntawp dawnah goal an khung hram a. Joshua Kimmich chuan minute 90-naah an si phurh sutna goal mawi taka khungin 1-1 in Cologne nen an inhnehtawk.
Bayern Munich hi record an chelhlai ti sei turin a zawna vawi 11-na atan league a champion tum mek an ni a. Thawhlehni zana Allianz Arena a inkhelah ball chang hnem mahse an khingpuite angin hlauhawm mumalah an chhuah thei meuh lo.
Cologne zawkin minute 4-naah goal an khung a, he goal hi an chakpui teuh. Ellyes Skhiri volley chu goalkeeper thar Yann Sommer-a tan dan theih a ni lo.
Bayern coach Julian Nagelsmann chuan, “Second half-ah thil kan thlak danglam viau a ngai a, mahse kan insiamthat hnu kha chuan kan chungnung hle. Match hnih atanga point hnih chauh hmu hi kan tan chuan a tlem lutuk.” tiin inkhel zawhah a sawi.
Inkhel dangah RB Leipzig in 6-1 in Schalke an sawpa. Point li in Bayern Munich hi an la pha lo.
Leipzig tan striker Andre Silva chuan goal hnih a khung a, Benjamin Henrich, Timo Werner , Dani Olmo lehYussuf Yurary Poulsen ten goal dang an khung.