AIZAWL: Mizo National Women Front, Headquarters, Aizawl chuan nimin khan kum thar inhlanna leh executive meeting an nei a. He hun hi MNF Adviser Dr R Lalthangliana, Health Minister-in khuallian niin a hmanpui a, MNF party sorkar hian harsatna tam tak tawk thin mah se, an innghahna chu Pathian chauh a nih avangin beidawng mai tur an nih loh thu a sawi.
Aijal Club-a hun hmanah Dr R Lalthangliana hian an sorkar tirhah Health dept thawktu tur indaih lohna post 734 hnawh khah mai tura an tih pawh an tihlawhtling thei lo a, hriat lawk loh Myanmar raltlan, vawk pul hri, lirnghing, ramri buai an hmachhawn a. Hengte avang hian beidawng mai tur an nih loh thu a sawi.
MNF Vice President Vanlalzawma pawhin thu a sawi ve bawk.