Borussia Dortmund substitute Gio Reyna chuan huntawp dawnah an chakna goal a khung a. Mainz lakah 2-1 a hnehna changin Bundesliga intlansiaknaah hmahruaitu Bayern Munich umtu zingah an tel chhunzawm.
U.S. men’s national team midfielder Reyna hi nikum World Cup-ah an coach nena an boruak avanga chanchin nei a ni a. Club lamah erawh a tha lama chanchin nei thungin tunhnaia an inkhel hnuhnung pahnihah an team chakna goal khung ve ve.
MEWA Arena-ah Dortmund in minute hnihnaah si an phur nghal a, Lee Jae-Sung chuan Mainz tan goal a khung.
Minute li-naah chhangletin player lakluh thar Julian Ryerson chuan an si phurh a sut.
Dortmund hian Karim Adeyemi hmangin goal hlauhawm nei nual mahse an goal nawr a na tawk lo rei a. Huntawp dawnah substitute Sebastien Haller ball tauh thlak atang Reyna hian an chakna goal a khung hlauh.
Inkhel dangah Eintracht Frankfurt in pahnihna a awm theihna huntha an bawhpelh a. SC Freiburg nen inkhelin 1-1 in an inhnehtawk.
Frankfurt striker Randal Kolo Muani chuan league a a goal rukna a khung.