Guinness World Records chuan BLACKPINK member LIsa chu K-pop artist zinga Instagram-a follower ngah bera a puang ta.
Tarlan danin, Lisa hian January 19 thleng khan follower maktaduai 86.3 a nei a, chanchin buatsaih lai pawh hian a pung chho thur thur zel mai a, maktaduai 87 an chuang leh daih tawh.
A thian dangte- Jannie, Jisoo leh Rose te pawhin top four changin, follower maktduai 66 chuang an nei ve mek bawk. BLACKPINK anga instagram account hian follower maktaduai 52 chuang a nei.
K-pop pawn lama musician larte’n instagram-a follower an neih dan chu- Selena Gomez (372million), Ariana Grande (351million) leh Beyoncé (291million) niin top ten zingah an langsar hle.
Nikum khan Billie Eilish hian Instagram record thar siamin, Vogue cover-a a inlanna thlalak dahluh a ni chiah chu million khat like tu nei rang ber ni turin a dingchhuak.
Lisa tan lawmna tur dang a awm nual a; nikum 2022 khan Guinness World Records-ah hming vawi thum ngawt a chher thei.
Hetah hian MTV Video Music Awards-h Best K-pop hmeichhe solo artist hmasa ber ni turin award a dawn. He huang hi 2019 khan dahluh tan niin, BTS te’n an keipui sa hauh deuh tawp thin nghe nghe.
Record pathumnaah chuan Lisa hi 2022 MTV Europe Music Awards-ah solo Best K-pop hmasa ber nihna a chelhzui a, band anga an lar hle laiin, mimal ang pawhin Lisa hi a sang filawr lak a ni.