Aizawl : Hnahthial Bawrhsap R. Lalremsanga’n Hnahthial district chhunga kawng- pui (NH 54) double lane siam hna BIPL leh ABCI company-in an thawh mekah hmun thenkhatah hnathawktu company-te harsatna siamsak an awm nia hriat a nih thu sawiin, pawi a tih thu a sawi.
Nimina Hnahthiala India Republic Day lawmna-ah he thu hi Hnahthial Bawrhsap chuan a sawi a. Hnah- thial district-a NH 54 double lane siam hna tluang taka a kal theihna tura dan anga hma an lak zel tur thu a sawi.
Hnahthial Bawrh- sap chuan Hnahthial dist-a VC 21-ah Raltlan an khawsa mek tih sawiin, raltlan te chu sorkar duh danin chhinchhiahna ID Card siamsak vek an nih thu a sawi a. Chhawmdawl na chi hrang hrang pek an nih thu a sawi bawk.
Bawrhsap chuan Hnahthial district chu August 2019 ah a taka kalpui a nih thu sawiin district naupang te chu district hmasawn leh changkang a nih theih na turin sorkar official, NGO, kohhran leh mitin ten chanvo leh mawhphurhna an nei tih hre thar turin a chah a. Ei leh bar kawnga intodelh tur te, ziak leh chhiar thiam kawnga tan la thar tur te, faina leh thianghlimna kaw- nga dist dang te entawn ni tur tea theihtawp chhuah tura inpekna thar nei theuh turin mipuite a ngen a ni.