Mizoram Amatuer Taekwondo Association leh Sports & Youth Services Department buatsaih 5th Inter School Taekwondo Championship chu Electric Veng YMA Hall-ah Ningani khan an nei tan a. Sports & Youth Services Joint Director K.Lalhmangaihzuala’n inelna hi a hawng.
Inter School Taekwondo Championship hi 2009 khan MATA chuan a buatsaih tan a. Kum 1 danah buatsaih a ni thin. Hrileng avangin kum thum buatsaih theih lova awm hnuah kumin hian buatsaih a ni.
He championship-ah hian inelna chi hnih – Kyorugi leh Speed Kicking inelna neih a ni ang. Primary school, middle school leh high school category a thenniin heng category tinah hian medal leh team trophy pek vek a ni dawn.
Tun tum Inter School Championship-ah hian school 37 atangin school naupang 200 chuang an in inziak lut tawh a. Speed kicking inelnaah hian ni 28 thleng hian in ziah luh chawp theih a nih avangin inel tur zat hi la pun belh tura ngaih a ni.