Aizawl: Aizawl North bialtu MLA, Dr. Vanlalthlana chuan nimina MHIP, Ramhlun Venglai Branch Silver Jubilee lawmna hun a hmanpui.
MHIP, Ramhlun Venglai Branch hi January 26, 1998-a din niin nimin kha a kum 25-na cham a ni a. Silver Jubilee lawmnan souvenir tlangzarh a nih bakah hruaitu hlui chawimawina hun hman nghal a ni.
Bialtu MLA chuan Silver Jubilee souvenir lehkhabu tlangzarhin thu a sawi a; MHIP hruaitu hluite leh ni mekte an fakawm a tih thu te, nute hi chhungkua, kohhran leh khawtlangah hlimna thlentu ber an nih avanga an pawimawh thu te leh an mawhphurhna a san avangin anmahni hlutna pawh hrethiam tel turin a chah.
Nute chu in chhung sum leh pai enkawlna bakah insurance policy siam kawngah tun aia nasa lehzuala tang turin a fuih.
MHIP General Headquarters hruaitu te, MHIP Branch hruaitu hlui te, veng chhung NGO hruaitu te leh MHIP member ten hun an hmang a. MHIP Geneneral Headquarters aiawhte leh sawm bik te atangin thusawi ngaihthlak a ni bawk.