UFC chuan lightweight fighter tha pahnih Dan Hooker leh Jalin Turner te chu UFC 285-ah a intum tir dawn a, fighter pahnihte hian an intum tur thu hi social media kaltlangin an puang.
UFC 285 hi March 4-ah Las Vegas a neih tur a ni a. Fighter pahnihte hi UFC lightweight rankings-ah 11-na leh 10-na an ni a, 155 pound division a bout pawimawh ni pha tur a ni.
22-12 MMA record nei Hooker hian November thla khan chak ngei a mamawhnaah Claudio Puelles chu fak hlawh takin a hneh a. New Zealand fighter hi hemi hma hian a inlan hnuhnung panga atang vawi li tlawm a ni.
Tunhnaiah che chhe mahse a khingpui hneh lohte hi Arnold Allen, Islam Makhachev, Michael Chandler leh Dustin Poirier te an nih avangin 155 division-ah an la dah sang hle.
13-5 MMA record nei kum 27 mi Turner hi lightweight a invawrh chak tak a ni a, nikum khan vawi hnih lanin submission hmangin a chak ve ve.
Lightweight rankings-ah 10-na ni mekin a zawnin vawi nga chak lai a ni a. Hooker hi a hneh a nih chuan title inchuhna a tel ve thuai thei turin a buk a ti rit zual viau tura ngaih a ni.