Premier League club Brighton & Hove Albion chuan league hmahruaitu Arsenal hnen atangin Pound maktaduai 60 a midfielder Moises Caicedo lei dilna an hnawl.
Gunners hian season chawhnu lam atan inthuam that an duh a, Mohamed Elneny a inhliam avangin midfielder thar an melhna chu ngawrh zawka an kalpui a ngai.
Gunners hian first team squad an nei chhah lova, tawnhriat nei ngah tawh player an tam lo. Tun season-ah league title la tura dinhmun thaah an din avangin manager Mikel Arteta chuan an hlawhtlinna dal thei tur a awm a duh lo.
Seagulls hian an midfielder hi Pound maktaduai 55 a Chelsea in lei an tumna an hnawl tawh a. An hnenah Ecuador international hian kum 2025 thleng contract a nei.