Aizawl : Lawngtlaiah district level SEDP committee chu nimin khan an Chairman, Bawrhsap Amol Srivastava hovin an thu- khawm a. Line department ten an hmalaknate sawiin, hmalak zui zel dan tura rawtna awm te an sawiho bawk.
Chairman, Lawngtlai Bawrhsap chuan SEDP chu kuthnath- awktu ten an chhawr theih dan ber tura kal- pui a nih theihna turin line department-te chu theihtawp chhuah tur leh beneficiary-te kaihhruai leh vil zui kawngah tha thlah lo turin a chah.
Sorkar thuchhuahin a tarlan danin Lawngtlai district-a department pariat hnuaiah SEDP beneficiary 4500 an awm a, Agriculture department hnuaiah beneficiary 1640; AH& Vety deptt. hnuaiah 1909; Commerce & Industries deptt. hnuaiah 329; Fisheries department hnuaiah 79; Horticulture department hnuaiah 180; Land Resources, Soil & Water Conservation department hnuaiah 282; Sericulture department hnuaiah 23 leh Urban Development & Poverty Alleviation department hnuaiah beneficiary 58 te an awm a ni.