Tlangzarh hmaa sawi buai neuh neuh awm karah Shah Rukh Khan channa film thar ‘Pathaan’ chuan sawiseltute ka a hup chiang hle a, tihchhuah Ni in Rs vaibelchhe 100 chuang a hmuchhuak.
Weekday-a tihchhuah a nih chung pawha heti ang zat a hmuh chuan kartawp awmchho ah hian engemaw zat a hmuchhuak leh dawn tih a chiang reng a, action thriller film hi a pui miah miah hle a ni ber.
Director Siddharth Anand hian tunhma pawh khan ‘Bang Bang!’ leh ‘War’ film hmangin chawimawina leh ropuina namen lo a khum tawh. Ama story ziah ni bawk ‘Pathaan’ film-ah hian Deepika Padukone, John Abraham, Dimple Kapadia leh Ashutosh Rana te an inlan ve bawk.
He film hian box office a rum thaih nasa nghal hle mai a, reivew lamah lawmna tur a tam bawk avang leh inhrilhchawnna boruak a sosan bawk si avangin Cinema hall lamah an tleh dul dul a ni ber.
Shah Ruhk Khan tan lawmna nasa tak a nih theihna chhan chu a flm tihchhuah hnuhnung ber ‘Zero’ (2018) khan beisei a pha lo mai ni lovin, box office-ah a ral thum thak tawh a, tunah erawh ‘Pathaan’ film hmangin ropui ramah a chuangchhuak leh ta. SRK nupui a lawm ngang mai, mittui luang zawih zawih chungin lawmthu asawi!