Champhai District Bawrhsap James Lalrinchhana chuan Inrinni khan Pollution Testing Centre, Champhai chu RD Pump, Ramhrangkawn, New Champhaiah a hawng.
Dilna hawna zirchianna neih anih hnuah Mizoram sokar chuan RD Pump, New Champhai chu December 19, 2022 khan Pollution Testing Centre atan a thlang a. Transport Department Champhai chuan lirthei khu endikna khawl Smoke Emission Analyser Petrol Engine leh Diesel Engine pakhat ve ve, Computer set leh tul dang an kawllaite chu Authorised Testing Centre atana ruat tak RD Filling Station kutah hian a hlan chhawng a, a enkawl zui leh tul ang buaipui chu an kutah a awm tawh dawn a ni.
Pollution Certificate neilote hi MV Act Section 190 Sub-section 2 hmangin thla thum lungin tan tir emaw, Rs 10,000/- thlenga chawi tir theih an ni.
Hawn zawh hian Pollution Testing Centre-ah hian test hi dan anga kalpui nghal a ni.