Mizoram women’s senior team in Senior Women’s One Day Trophy ah Sikkim lakah run 113 in hnehna an chang a. Mizoram bowler Lalhriatpuii a che tha hle.
Pathianni a CAP Ground 2 a inkhelah Mizoram tan Puipuii hian Sikkim middle order a thiat hneh hle a. Over 24-naah wicket li la in Sikkim an talbuai.
Sikkim hi over 33.2-ah an out zova, run 66 bak an tlin lo. Puipuii’n over 10 vawmin maiden over vawikhat a vawm a. Wicket 6 la in run 18 chiah a pe.
Vuak hmasak tir Mizoram tan opener Lalrinfeli chuan run 48 a siam a. Outstation player Tarang Jha chuan run 48 bawk thawh ve in tualchhung batter dangte an che chhe lova, over 50 chhungin run 179 an siam a, wicket nga an hloh.
Senior Women’s One Day Trophy-ah hian Mizoram hi Group A-ah an awm a. Team tha Railways, Kerala, Saurashtra, Jharkhand te bakah Odisha, J&K leh Sikkim te nen awmin pasarihna an ni.