Lemchan khawvel a luhtirh khan a tih loh tur leh a kuanglo nawr ah inngaiin, hun harsa tak a tawk a, Ruihhlo leh Zu bawiha a tan thu ‘Ghost’ film atanga hriatlar, Demi Moore chuan a sawi.
Demi hian a hun hmasa lamah khan mahni taksa intihnatna hial a kalpui hman a, chhiat vekna a hnaih hman hle nia sawiin kum 59 mi chuan, “Hlutna nei tak takah ka inngai lo. Chhiatna kawng ka zawh zelah ka inngai a, rang takin hun khirh leh harsa takah ka zuanglut nghal. A chhan leh vang mumal tak hriat harsa khawp nun khan rei tak min tibuai.
“Chung lam inrawlhna vang te pawh a ni ang a, khang hun lai khan mi pa-hnih, ka tana inpe leh ding tlat an awm a, an mahni vang liau liauin tun hi ka thleng a, an ni kha awm lo se chu, ka buai dan tur leh mangan dan tur kha ngaihtuah ngam chi pawh a ni lo. An mahni vanga hun remchang leh tha ka neih pah a ni,” a ti.
Kum 1980 chho khan ruihhlo leh Zu bawihah tangin, rehab-ah rei tak a awm a, kum 2012 khan eating disorder vangin a talbuai leh a, a nun kawn zawha thih leh dam thliarhranna tur kawng pengthuam a thleng hman hial. Mi pahnih a sawi te hian a hun takah an chhanchhuak hman a, a nunah danglamna an thlen niin, a sawi.
Demi hian thiantha leh rinawmte hlutna a hrechiang hle a, hun harsa tak ata khai chhuaktu an nihna a pha lo.