Ligue 1 champion lai Paris Saint-Germain in World Cup zawha league lama an chet sual an nei leh thin chu a la danglam lova. Huntawp dawnah goal chhuahin Stade de Reims nen 1-1 in an inhnehtawk.
Pathianni zana Parc des Princes a inkhelah hian PSG in second half tan hnu lawkah Neymar hmangin goal an khung a. Mahsela substitute Marco Verratti chu dahluh a nih hnu lawkah red card pek a ni a, PSG in tlem zawkin second half an khel.
Minute 96-naah beidawng duh lo Reims in goal an khung a, Arsenal atanga loan a an hawh Folarin Balogun chuan tun season a league a goal 11-na a khung.
PSG hi league-ah hmahruaitu an la ni thova, nimahsela an inkhel hnuhnung pathum tanga vawi hnih an tlawm hnuah point an hloh leh a ni.
PSG manager Christophe Galtier chuan an tha tawk lo tih sawiin, “Thutlukna siam nual tur a awm. Tunkarah player-te an thawkrim a, mahse khelmualah an lantir thei lo. Kan dinhmunah hian kan lungawi tur a ni lo.” a ti.