Champion lai paihchhuahin an awm a, huntawp dawnah Kaoru Mitoma chuan Brighton chakna goal khungin Liverpool 2-1 in an hneh a, fourth round-ah Reds an tla.
American Express Stadium-ah Liverpool in tun season a tum hnih an ngam loh tawh an tlawh a. Tun tumah inkhel tawk viau in team pahnihten replay an khelh a ngai dawn a ang hman viau.
Nimahsela Japan winger Mitoma chuan hun remchang a neihah a ball control tha chu chhawrin penalty area chhung atangin chakna goal a khung.
Season hautak
Jurgen Klopp-a pawlte hian kar hnih kalta khan Seagulls hi league inkhelah tlawh tawhin 3-0 in an lakah an tlawm a. Tun tumah first half-ah goal khung hmasa in Mohamed Salah ball siamsak atangin Harvey Elliot chuan goal tha a khung.
Nimahsela Brighton in si an phur rei lo. Minute 39-naah Tariq Lamptey goal shot chu Lewis Dunk chuan a dang kawi a, goal-ah a luh phah.
1-1 a inhnehtawk tur ni awm taka inkhel a kallaiin huntawp dawn hun pekbelhah Mitoma a inlar a. Liverpool hi Real Madrid an hmachhawnna tur UEFA Champions League-ah chiah cup inelnaah damna an nei tawh.
Inkhel zawh lam
Liverpool manager Jurgen Klopp chuan inkhel zawhah a tha lai a thlir a. “Kar tlemte kalta khan helai hmunah hian kan theihna ang lo takin kan khel tawh. Vawiinah erawh kha ai khan kan khel tha zawk a, mahse set piece atangin goal hnih kan chhuah a, kha kha kan en liam thiang miah lo a ni.”
“Kan tlarhnung veilamah Robertson khan puitu a neih avangin goal a veng nghet a, ding lamah erawh Trent-a’n puitu a nei tha tawk thin lo. Mitoma hi player tha tak a ni bawk si a, chuvangin ven tluan kha a harsa hle.” tiin a sawi.
Brighton player pawimawh Lewis Dunk chuan inkhel zawhah, “Kan dinhmun atang kha chuan khatiang inkhel kha chu chak thei tur kan ni. Vawiin kan khelh that ber ni a ni lova, mahse team tha lakah result kan sual chhuak. Player tha, striker tha rual nei an ni a, ni 15 kalta a kan hneh tawh an nih avangin kan chak leh hi a pawimawh.”
“Mitoma kan team a tel hi a lawmawm. Amah umtu ka ni thin lo hi a vanneihthlak hle.” a ti.