Aizawl : Mara Thyutlia Py (MTP) hruaitu ten nimin khan Larsap Hari Babu Kambhampati hmuin, Siaha district mipui mamawh te leh raltlan chungchang te bakah NHIDCL company hnathawh chungchang te an thlen a. Larsap chuan lo zirchiana a tul anga bawhzui a nih tur thu a lo hrilh.
MTP hruaitute chu- an raltlan te harsatna tawh te Larsap chu hrilhin, raltlan mangang tak ten Assam Rifles duty te atangin harsatna an tawk fo nia sawiin, tihtawp a nih theihna tura hma laksak turin an ngen a. NHIDCL leh BIPL company ten Siaha district-a national highway sial hna an thawh mek chu MTP Gen HQ, Siaha vigilance & monitoring Cell-in a enpui thu leh an duh- thu a sam tawkloh thu pawh Larsap chu hrilhin, furpui thlen hmaa mipui nawlpui tana harsatana a thlen loh na tura kawng siam te chu zawh a nih theihna tura hma- lalpui turin an ngen.
Inbiakpawhna lam leh internet service a chhiat thu pawh thlen- in, mipui nawlpui bak- ah zirlai ten harsatna an tawh phah nasat thu an sawi a. Hemi kaw- nga an harsatna te chin- fel a nih theihna tura hmalaksak turin an ngen a ni.
Heng bakah hian Mara mipui tana hmasawnna tur kawng hrang hrang te MTP hruaitute chuan Larsap chu an sawipui bawk.