South Africa-a Eastern Cape Province-ah mi pahnihin piancham lawma intihlimte a pawngkahnaah mi pariat a kap hlum a, mi dang paliin hliam an tuar bawk.
Gqeberha khawpuia Kwazakhle venga in pakhata lâm leh intihlima awm khawmte hi tumah tih bik nei lova kah an ni tih police chuan an sawi.
Tumah man an la awm lo va, a titute um zui mek an la ni.
Thi leh hliamte hi tute nge an nih hriat mai an la ni hlawm lo va; mahse, police chuan in neitupa chu a tel tih an sawi.
“Heng mite hi mi sualin an thah an ni a, engnge thleng chiah leh rawng taka chete hi man chhuah an nih hma chu kan chawl dawn lo,” tiin Pathianni chawhnua inpawngkahna thleng chungchang hi Eastern Cape Province Police Commissioner Nomthetheleli Lilian Mene chuan a sawi.
Port Elizabeth tih thin, Gqeberha hi Thawhtanni khan police minister leh national police commissioner ten an tlawh nghal.
South Africa hi silai nena pawikhawihna thlen tamna ram a ni a, hetih rual hian tuna mi anga inpawngkahna ang chi erawh a tam lem lo.
Nikum khan tavern pahnihah thlengin mi 20 chuang an thi a, he thil thleng hi la chhui mek zel a ni.