Kumin NBA champion ni tura rin hlawh zing ami Milwaukee Bucks tan star player Giannis Antetokounmpo a che ropui leh viau a. A team tan point 50 score in 135-110 in New Orleans Pelicans an hneh.
Fiserv Forum a inkhelah NBA Most Valuable Player vawi hnih ni tawh Antetokounmpo hian minute 30 chauh a khel chungin point 50 a score a. Ball vawi 26 a shoot atang vawi 20 a lut a, heng zingah hian 3 points vawi li a shoot atang vawi thum a lut a. Free throw vawi 12 atang vawi sarih a lut tel.
Kum 28 mi hian NBA a khelh chhunga point 50 score tlin a neih tum ngana a ni bawk.
Bucks tan Jrue Holiday chuan point 17 a score a, Brook Lopez-a’n 15 thawh bawkin an team pumpui shooting a kal hle a. 55.2% shooting an nei.
“Tun hma a mi ropuiten enlet tur hnuhma ropui tak tak min hnutchhiah ang kha hnutchhiah ve duh. Magic Johnson te, Kevin Garnett te, Kobe Bryan, Allen Iverson te highlight hmuhnawm tak tak ang khan neih ve ka duh a, anni khan thil ropui tak tak min hnutchhiah a, keipawhin an hnung hi zui ve ka duh a ni.” tiin Antetokounmpo chuan a sawi.