Aizawl: Khawvel puma Salvation Army hruaitu lu ber, General Brian Peddle leh a nupui, Commissioner Rosalie Peddel, WPWM chuan nimin khan Mizoram an lo thleng.
General Brian Peddle leh a nupuite hi Territorial Commander hovin Territorial Headquarters staff leh officer leh sipai thahnem takin Lengpui Airport-ah an lo hmuak a. Anmahni lo lawmna inkhawm tawi, Territorial Commander Colonel Lalhmingliana kaihruaiah Territorial Staff Band leh Territorial Songster ten Mizo hnam thuama inthuamin hun an hmang a. General-te nupain thuchah tawi an sawi.
Lengpuia hun hman zawh a nih hnu hian general-te nupa hi an thlenna tur, Hotel Regency panpui an ni a. Mizoram sorkarin khual tha thlenin a lo thleng a. Mizorama an cham chhungin Hunthar Corps, Phunchawng Corps leh Vaivakawn Corps biak inte an hawng ang a, February 2 zan atangin R. Dengthuama Hall, Mualpui Salem Vengah general ho hian India Eastern Territorial Congress neih a ni ang.
General hian vawiinah thuthar thehdarhtute a kawm dawn a. Tlai lamah Territorial Commander-in zanriah a buatsaihsak ang a, Nilaini-ah Chief Minister Zoramthanga’n a buatsaihsak dawn bawk.