Aizawl Municipal Corporation (AMC)-in Rs. nuai 97.94 senga a din, AMC City Bus Terminal, Zemabawka mi chu nimin khan Aizawl Dy. Mayor R. Thanglura’n a hawng.
AMC EE Zohmingthanga’n terminal an buatsaih dan sawiin thawl nuam taka bus 25 leng thei tura ruahman a nih thu a sawi a. Driver leh conductor-te tan thutna hmun nuam leh inthiarna hmun tur siam a nih thu a sawi.
Bus terminal thar hawngtu, Dy. Mayor chuan AMC-in sum tak tak senga Aizawl Bus Terminal a siam puitling ta chu lawmawm a tih thu sawiin Aizawl khawpui chhunga city bus service-te tan a tangkai dawn hlea a hriat thu leh Aizawl tan hmasawnna a nih thu a sawi.
AMC-in sum tak tak senga Chaltlang kawng chho a zauh pawh mipuite tan a tangkai hle rualin, mi thenkhatin a thlang lamah bawlhhlawh an paih thin chu pawi a tih thu Dy Mayor chuan a sawi a. AMC City Bus terminal chu thianghlim leh fai taka a awm theihna tura neitu nihna thinlung pua enkawlpui turin Zemabawk khawtlang leh bus neitute pawh a sawm a ni.