Aizawl : Aizawl South II bialtu MLA Lalchhuanthuanga’n a biala ITI Urban Primary Health Centre (PHC) tlawhin, doctor leh thawktu dangte a kawm a. Hriselna leh zirna chu a ṭha lam leh chhe lama mipui nun nghawng thei a nih avanga a ngaipawimawh thu a sawi.
Lalchhuanthanga chuan “kan biala damlo inenkawlna/inentirna leh zirna hmun dinhm- un zirchianga, tichang- tlung tur leh tihmasawn tura theihtawp chhuah hi ka tih tur a ni” a ti a. Hemi kawngah hian bial mipuite tan a theihna sangber a hlan zel tur thu a sawi.
PHC chu damlo khawsak harsa zawkte tlûkluhna hmun a nih avangin thuamṭhat a ngai hle tih Lalchhuanthanga chuan a sawi a. ITI, PHC-ah khawl hmantlak a awm meuh loh thu leh hmanraw tihchangtlun kawnga theihtawp chhuah a tul thu a sawi bawk.
Aizawl South II bialtu MLA Lalchhuanthanga chuan Govt. Aizawl College pawh tlawhin, hostel-a hman tur thilpek chi hrang hrang engemawzat a pe bawk a ni.