Union budget session neih mekah Rajya Sabha-ah rorelna a kaltluan zawk theih nan Chairman M Venkaiah Naidu chuan nimin khan party tin hruaitu a kawm.
He inkawmna hi rorel tluang taka a kal theihna tura tih a ni a. Naidu chuan rorelte tikhaihlak zawnga awm lo turin party hrang hrangte chu a ngen a. Party hruaitute pawhin sawihonaah pawh tha taka tel theuh an tum thu an sawi.
Party hruaitute hian president thusawia Motion of Thanks leh budget sawihona thawk zawk an dil ve bawk.
Inkawmhonaah hian minister 12 leh party hrang hrang hruaitu 25 an tel.
Session neih mek hi a thawh khatna, February 15 thleng awh turah hian vawi 13 thutkhawm tura ruahman a ni a. Department hrang hrang kaihhnawih parliamentary committee-te thu leh department leh ministry demand sawiho a ni ang.