Dallas Mavericks star Luka Doncic chuan starting line up a telh a nih lehna inkhelah point 53 a score a, 111-105 in Detroit Pistons lakah hnehna an chang.
Doncic hi kar hmasa a Phoenix Suns nen an inkhelh tumin a ke a ti na a. Pathianni a Utah Jazz an hmachhawn tum pawhin a inkhel lo tawh.
Thawhlehni zingah hian inkhel bul tan tir niin NBA-ah point 50 a score tlin tum nga na a ni a. Tun season-ah a bik takin che tha hle in point 50 a pelh tum li na a ni a. December 27 khan point 60 New York Knicks lakah a score.
Mavericks chak nan hian Doncic bakah Spencer Dinwiddie a pawimawh a. Point 12 a score zinga 10 chu fourth quarter-ah niin Pistons team naupang takin a tawpa an umna tur Mavericks in an ven theih phah.
Mavericks hian tun season-ah vawi 52 inkhel tawhin vawi 27 an chakna a ni a. Western Conference-ah parukna an ni mek.
Pistons tan Bojan Bogdanovic chuan point 29 a score a. Saddiq Bey chuan 18 thawh bawkin 3 points vawi nga a lut. Pistons hi team insiamtha lai niin tun season-ah vawi 13 chauh an la chak a. An inkhel hnuhnung pasarih atangin vawi ruk an tlawmna a ni bawk.