Horticulture depar- tment enkawltu, Chief Minister Zora- mthanga’n ram sum leh pai dinhmun tihm- asawn thei tur khawpa thei, pangpar leh mau te thar chhuak turin Mizoramin theihna a nei niin a sawi.
He thu hi nimina Mizoram Horticulture Service association (MHSA) te Tourist Lodge, Chaltlanga conference a hmanpuinaah Chief Minister chuan a sawi a. “Hauhsakpui theih khawp tur thlai thar chhuak thei tura Mizoramin theihna a neih haichhuak turin kuthnathawktute kaihruaitu Horticulture department ten pawimawhna lian tak an nei,” tiin, kawng hrang hranga ramin malsawmna a dawn te haichhuak turin mitinin an theihna zawn theu- hah hna an thawh tlan a pawimawh thu a sawi.
Chief Minister chuan, COVID19 len laia Horticulture department-in thei leh thlai hralhna tur supply chain an siam chu fakin, “Thil thar te hralhchhuahna tur market chain siam chu agriculture leh horticulture eizawnna hl- awhtlinna atana pawimawh tak a ni,” a ti a. “Chumi rual chuan state pawna hralhchhuah tum chuan hlawk tham tur tharchhhuah a ngai a, chumi atan chuan mihring tha chauh a tawk lova, a remchang apianga khawl hman thiam a tul” tiin, sorkar hmalakna chauha innghat lova, pawl anga hmalaknate pawh a pawimawh thu a sawi bawk.