Sporting Lisbon full-back Pedro Porro chuan Tottenham Hotspur zawm fel turin Thawhlehni khan London-ah medical a nei.
Spain international hian loan in a club thar hi a zawm phawt dawn a, nipui laiin Euro maktaduai 45 in club in an lei nghet thei ang.
Kum 23 mi hi kumtawp atang khan club nen sawizawm an ni fova, Manchester City a khel thin niin first team tan erawh a la inkhel miah lo.
Nikum khan loan a season hnih a inkhelh tawhna Sporting Lisbon chu Pound maktaduai 7 in a zawm.
Spurs in tun thla a player lakluh pahnihna a ni a. Villarreal atangin midfielder Arnaut Danjuma an lalut tawh.
Spurs hian tun season-ah dinglamah Emerson Royal an ring a. Matt Doherty chuan chhawk thin bawkin nipui laia lakluh thar Djed Spence erawhin beisei a pha lova. Tukin hian French club Rennes chu loan in zawm fel hman tura ngaih a ni.
Porro an lakluh dawn avangin Doherty hian loan in Spanish club Atletico Madrid a zawm thung ang.