Bayern Munich in anmahni mikhualtu Mainz 4-0 in an hneh a. German Cup quarter-final an lut.
Bayern hi kuminah a vawikhatna atana hnehna an channa a ni a. An player lakluh thar Joao Cancelo chu inkhel bul tan tir nghalin first half an khel tha hle a. Goal thum khung nghal thuai in inkhel an dahtha hma.
German champion lai hian tualchhung football season an tan leh hnuah a zawnin Bundesliga-ah vawi thum draw an nei tawh a. Tun tuma Mewa Arena a inkhelah erawh minute 17-naah Eric Maxim Choupo-Moting chuan goal a khung a. Jamal Musiala leh Leroy Sané ten an chhunzawm hnuah Alphonso Davies chuan second half-ah dang khat dang a khung.
DFB Pokal round of 16 inkhel dangah RB Leipzig chuan 3-1 in TSG Hoffenheim an hneh ve bawk a. Red Bull Arena-ah Leipzig tan Emil Forsberg, Konraid Laimer leh Timo Werner ten goal an khung a ni.