Aizawl: Aizawl North II bialtu MLA Dr Vanlalthlana chuan nimin khan a bial chhunga hmasawnna hnathawh hrang hrangte a enfiah.
Dr Vanlalthlana hian, PWD leh PHE hotute nen Industry peng kawng siam hna thawh mek chu chak zawka thawh a nih theih dan turte an sawi ho a. Hna chak zawka kalpui a nih dawn chuan work convergence hi tun aia tha zawka kalpui tha a tih thu department hotute a hrilh a, thawktute chu mipuiten an chhawr hma theih nana tan la turin a hrilh bawk.
Hemi rual hian UD &PA hnuaia sak Ramhlun North-a Community Hall te, Ramhlun South Multi-Purpose Hall sak mek te leh Ramthar Veng Community hall sak mek te UD&PA engineer te nen an tlawh a, khawtlang hruaituten lo dawng sawngin hna chak zawka thawh a nih theih nan hmalak zel a inhuam thu sorkar hotute leh khawtlang hruaitute hnenah a sawi.
Dr Vanlalthlana hi AMC Ward III Corporator C. Lalchhandami leh ZPM Block hruaituten an tawiawm a ni.