The Salvation Army hotulu, General Brian Peddle chuan nimin khan biak in pahnih a hawng.
General Peddle hian nimin zing khan Vaivaikawn Corps biak in a hawng a, chawhnu dar 1:30 khan Hunthar Corps biak in a hawng bawk.
Biak in pahnih hawna inkhawmte hi Colonel Lalhmingliana, TC-in a kaihruai ve ve a. Heng hunah hian general chuan thuchah a sawi a. Biak in pahnih ni khata a hawng thei chu ropui a tih thu sawiin zahnghaihna dawhkan a hawng bawk.
Hawnna inkhawmah coprs sipaite atangin zaipawl, band leh mal zai te ngaihthlak a ni.
Vaivakawn Corps hi December 5, 1982-ah dingin sipai member 346 an awm mek a. June 2, 2011 khan biak in hi an sa tan a. Biak in sak nan hian Rs 3,55,45549 sen a ni.
Hunthar Corps hi March 8, 1998 khan din niin sipai member 380 an awm mek a. Biak in sak nan Rs 1,54,85,811 an seng a ni.