Mizoram Larsap Haru Babu Kambhampati chuan nimin khan India leh Myanmar inrinaa insumdawn tawnna, Zokhawthar Land Custom Station a tlawh.
Ni hnih chama Champhai tlawha zin, Larsap Kambhampati chuan Land Custom Station tlawhin Zokhawthar khawtlang hruaitute nen an inkawm.
An inkawmnaah hian a tlawhnaah hian India leh Myanmar inrina a lei dawh, Indo-Myanmar Friendship Bridge chu a chhiat tawh avangin thawm that a mamawh thu leh lei dawh thar mamawhna a nasat thu sawi.
Larsap hian ramri kaltlanga insumdawntawnna mumal zawka kalpui turin India lam a inhawn reng thu leh dan anga kalpui turin lehlam an inpeiha hmalak dun a pawimawh thu a sawi bawk.
Champhai South bialtu MLA TJ Lalnuntluanga, Law & Judicial Minister ni bawk pawhin Zokhawthara Land Customs Station (LCS) chu tun aia changtlung zawk, Integrated Check Post (ICP)-ah hlan kaia tul angte buaipui a tul thu leh thenawm ram buai lai mah nise boruak ralmuan ve leha hma la nghal chat thei tura lo inpuahchah lawk a tul thu a sawi a. Border Trade chungchanga hmalak tawh dante tar langin, sorkar laipuia tul angte bawhzuipui zel turin larsap a ngen a ni.
Larsap hian Zokhawthar LCS bakah Champhai leh Zokhawthara Company Operating Base-te, SBI Zokhawthar Branch leh Pradhan Mantri Awas Yojana – Housing for All (Rural) hnuaia hamthatna dawngtu Zokhawthara mite a tlawh bawk a ni.