National Medical Commission (NMC)-in Zoram Medical College an endik chungchangah nimin khan Chief Minister Zoramthanga hoin H&FW Minister Dr. R. Lalthangliana leh ZMC hotuten thlir letin an thukhawm.
CM Office Conference Hall-a thutkhawmah hian NMC-in ngun taka ZMC an zirchianna atanga an hmuh dante leh ZMC a thawktu indaihlohna awm thenkhat te an sawi ho a. He’ng indaihlohna phuhruk tura hmalak dan tur te an sawi ho bawk.
Thutkhawmah hian H&F Welfare Board Vice-Chairman Dr. ZR Thiamsanga, H&FW Secretary Lalramnghaka leh official dangte bakah ZMC hotute an tel a ni.