American football a player ropui ber a mi tam takin an chhal, chiang taka record ropui ber nei vawi sarih Super Bowl champion tawh quarter-back Tom Brady chuan season 23 a hman hnuah a chawlh chian tawh thu a puang.
Kum 45 mi ni tawh Brady hian nikum February thla tir tho khan a chawlh thu a lo puang tawh a, mahse kar ruk hnuah kir lehin hmabak a la neih thu a sawi.
A team Tampa Bay Buccaneers chu hliamin an team roster a tibuai chungin NFL Play-Offs hruai thleng thei.
NFL mimal record hrang hrang chelhtu Brady chuan, “Ka chawl hlen tawh dawn. Ka duhthusam te a taka hlen thei turin min thlawp tlat a, ka zinkawngah hian engmah ka thlak phal lo. Ka lawm e.” tiin social media kaltlangin a chawlh thu a puang.