Aizawl : Kolasib Rengtekawn temporary check gate-a duty Mizoram Police te chuan Nilaini zan khan lirthei lian pathum atangin kuhva rah bag 243 an man.
Kuhva rah phurhna lirtheite hi Kamrul Islam (38), Karimganj, Assam leh Kairul Islan (35), Bagha, Assam nia inchhal te khalh atangin kuhva bag 88 (kg 7000 vel) a ni. He’ng kuhva te hi Myanmar atanga dan loa chawk luh leh Karimganj, Assam-a phurh thlen tum nia hriat niin, an pahnih lakah hian Kolasib Police Station-ah thubuai ziah luh niin, a kaihhnawih dangte chhui mek a ni.
Hemi zan vek hian Kolasib Rengtekawn temporary check gate duty-te chuan lirthei truck pakhat, Suhil Ahmed (27), karimganj, Assam nia inchhal atangin kuhva rah bag 155 (kg 12400 vel) man bawkin, Koalsib PS-ah thubuai ziah luh nghal a ni bawk.