World heavyweight champion hlui Anthony Joshua chuan ring chhung a luh leh hun tur a tichiang tawh a. A promoter Eddie Hearn chuan April 1-ah O2 Arena-ah a inhnek tur thu a sawi.
Kum 33 mi Joshua hian American boxer Jermaine Franklin a hmachhawn dawn a. Mizoram sana-ah chuan April ni 2, Pathianni tukah a ni ang.
Franklin hian nikum November khan heavyweight tha dang Dillian Whyte chu decision hmangin a lo hneh lo tawh.
Joshua hian ring chhung a luh hnuhnun pahnihah unified heavyweight world champion ni lai Oleksandr Usyk a hneh lo ve ve.
Hearn chuan, “Tun tum inhnek tur hi a hautak dawn a, pressure nasa tak a awm. A chhan chu AJ hi a chak lo leh a nih chuan a pawi thei tawh dawn. Nimahsela a vawi thum nan a world champion nih tum boxer kan hmuh ngei ka beisei.” tiin a sawi.