Tunlai chhanah chuan box office-a cheng vaibelchhe 100 emaw 200 vel lakluh hi thil pangngai tak a ni tawh a. Box office number pun belh tur hian Indian film te chuan khawvelpum huap ang pawhin intihsiakna namai lo an hmachawn tak tak tawh.
Tunhnaia Shah Rukh Khan film thar, ‘Pathaan’ pawh hi a bang chuang lo.
Kum 4 a reh hnu a a rawn comeback-na hian mipui a kokhawm hneh viau mai a, January 25-a tlangzarh tawh kha tun atanga rei vak lovah cheng vaibelchhe 1000 hmu ngei turin Rs 1000 crore club-ah lawm luh thuai beisei a ni.
He film, ‘Pathaan’ hian India ramah cheng vaibelchhe 300 a lalut daih tawh a khawvel huap angah phei chuan cheng vaibelchhe 600 a chuang daih tawh.
Mithiam leh chik mite chuan ‘Pathaan’ hi 1000 corre club-a Indian movie sengluh hnai vai ber turah an ruat fel thlap tawh.
A hnuaia film tarlan te hi 1000 crore club-a sengluh tawh, Indian film hit namai lo te an ni:
DANGAL
Aamir Khan, ‘Dangal’ kha China rama a hit lehzual em vangin box office-a sum lakluh nasa takin a tihpun phah, a tih theih. Dangal hi India film siam tawh azawnga sum lalut hnem ber a ni mek a, cheng vaibelchhe 2000 chuang hmuchhuak thei film hmasa ber leh awmchhun a ni bawk
BAAHUBALI 2
Pahnihnaah ‘Baahubali 2’ a lang a, Telugu film hit rem rem tak hian ramchhungah cheng vaibelchhe 1000 chuang a lalut hem hem mai a, pui tak a ni.
RRR
SS Rajamouli ‘RRR’ hian tun dinhmunah cheng vaibelchhe 1155 a lalut diam tawh a, ni khat thil thu-a ramchhunga opening day-a sum lalut hnem ber record siamin, tlangzarh ni a sum lakluh hi cheng vaibelchhe 235+ a ni der mai.
KGF 2
Cheng vaibelchhe 1000 club-a rinluh leh sengluh film dang leh chu Yash channa, KFG 2 kha a ni a, tun thleng hian cheng vaibelchhe 1208 lalut tawhin dinhmun duhawm takah a ding.