Chhattisgarh Board of Secondary Education-a board member pali ten Mizoram Board of School Education (MBSE) zirchiang turin nimin khan Aizawl an lo thleng a. MBSE Secretary leh officer te nen inkawmho nghalin, MBSE hmu- nhmate an fang bawk.
MBSE hmalakna hrang hrang – Biling- ual textbooks, Covid- 19 vanga ram puma lockdown puan a ni chunga MBSE-in HS- LC leh HSSLC exam offline-a a kalpui th- eih dan te an lo hriat avanga zir chiang tura lo kal an nih thu Chhattisgarh Board of Secondary Education-a board member te chuan an sawi a. MB- SE syllabus hman mek leh a duan dan kalphung, Scheme of examination leh question design siam dan leh kalpui dan, MBSE-in question changkang zawk nei tura exam scheme a Higher order thinking skills (HOTS) an dah dan te chu tha an tih thu an sawi.
India rama Bilingual textbook hmasa- ber ni tura Science leh Mathematics subject-a MBSE-in a buatsaih dan te a hmunah a khawih tute ngei ata- nga an rawn hriat th- eih avanga an lawm- thu an sawi a. MBSE-in school affiliation felfai taka a kalpui dan, MBSE-in professional course (D.El. Ed.) a kalpui dan bak- ah Mizoram Teacher Eligibility Test (MT- ET) exam a conduct dan te pawh tha an tih thu an sawi.
Chhattisgarh Boa- rd of Secondary Education-a board member te chuan HSLC, HSSLC leh Diploma in Elementary Education (D El Ed) exam buatsaih dan te, MB- SE-in a kalpui thar Digitalization and integrated digital payment system hnuaia online hmanga naupang registration tih te, exam form fill up te, document verify te, online fee payment, online hmanga internal mark submit-na tur leh a dang tam tak te pawh tha an tih thu an sawi bawk.