Aizawl : Aizawl West III bialtu MLA VL Zaithanzama’n Khatla-a Motherless Babies’Home tlawhin, MLA fundatangin tanpuina sum Rs. nuai 2 a pe a. “MLA fund atanga tanpuina leh hmasawnna tur kan kalpui mek hi he Home hian tangkai takin hmang se tih hi ka duhthusam a ni,” a ti.
VL Zaithanzama chuan, a bial chhunga zirna in, Health Sub-Centre leh Clinic bakah sorkar hnuaia veng mip- ui tana din hmunhmate a tlawhchhuah thawkhat tawh thu sawiin, hmalak zelna tur tam tak awm karah veng bil ni lo, ram pum huap pawha langsar leh hmingtha, mite thinlung khawihtu – Motherless Babies ‘Home tana a luangchhuak leh thei chu a lawm thu a sawi bawk.
Motherless Babies’ Home hi July ni 16, 1946-ah Mizo Hmeichhe Tangrual-in an din niin, tun thlengin mi inphalte tanpuina an dawn atangin an la kal chho ve zel a. An hmunpui Khatla-ah Motherless Babies’ Home, Women Hos- tel, Creche leh Puanthui zirna te kalpui mek a ni.