Aizawl : PC Sr. Vice President Lalrin- zuala Chawngthu-in sorkar thar piang leh turah a fawng chelhtu zîngah an tel ngei dawn nia sawiin, “kan hawi lamin sorkar siam kaw- ngah awmzia a nei hle dawn”a ti.
Pisa thar ‘Brig. T. Sailo Rûn’ sa tura inbuatsaih mek PC party Sr. Vice President ch- uan “sorkarna-ah telin thawnthu ang lekleka ṭhangtharin an hriat Pu Ṭhena hmathlir kha va- wiinah pawh kan ram, hnam leh kan sakhaw himna leh hmasawnna bulpui nia mithiam leh mipuitling ten an ngaih avangin ‘Brig. T. Sailo Rûn’ din thar rualin kan tungding dawn” a ti.
PC party hian an pisa hlui thiatin, a thar ‘Brig. T. Sailo Rûn’ sa turin an inbuatsaih mek a. An Sr.Vice President chuan Brig. T. Sailo Rûn sak hna an chhoh mek laiin MLA inthlan atan an inpuahchah tel avangin party mipuite pisa thar tur leh inthlan atana theihtawp chhuah turin a chah bawk a ni.