Aizawl : ZPM thalai President Dr. C. Lalrammawia leh hruaitu dang ten nimin khan Mizoram State Cancer Institute (MS- CI) tlawhin, khawl leh mithiam indaihlohna av- anga sum tam tak senga phaia inenkawl ngai thin tih tlem turin sorkar-in nasa zawkin hma la se an duh thu a sawi.
Dr. C. Lalramm- awia chuan, Mizoram chu cancer vei tamna state a nih avangin cancer veite enkawlna tha Mizoramin a neih a tul thu sawiin, MSCI-in khawl tha tak tak leh thawktu inpe tak tak a lo nei chu lawmawm an tih thu an sawi a. Khawl ta tak tak te chuan enkawltu technician sawm tal an mamawh laia mi paruk chauh an awm avanga a tangkai tur anga a tangkai tawk lo erawh pawi an tih thu sawiin, cancer veite hmakhaw ngaia Technician dah belh thuai tura sorkar an ngen thu an sawi.
ZPM thalai chuan MSCI building block II, lehlânga chemothe- rapy la thin te awmna hmuna wheelchair-a innawr theihna kawng (ramp) a awm loh avangin damlo ten harsatna an tawk tih sawiin, he building-a lift awm chu hman tangkai a nih thuai theih na tura chak taka hma la turin thuneitute an ngen bawk.