Nimin khan actor Abhishek Bachchan chuan kum 47 hmel a hmu ta chiah a, a nuna a la tawn ngai loh mahni inrintawkna thami chu a nupui hnen atanga a dawn thu a sawi.
“Engtik lai maha ka la neih ngai loh inrintawkna min pe. Hei hi chu mipa tam zawkin an pawm ngei pawh ka ring. Chhungkuaah duat rawn ka ni a, ‘naute’ ka ni tawp ai. Ka farnu hian pasal a nei daih tawh na a, ka tan chuan ka kulbingsang leh min veng bur thintu a ni. Hengte vang hian engamah mawhphurhna ka nei lem lo. Mahse, nupui ka neih hnu ah erawh a nih tur angin a rawn ni thlap mai. A tana mawhphurhna la theitu turin ka awm nghal a, ka ni nghal bawk a, venghim a, enkawl tlat turin ka koah mawhphurhna duhawm a lo tla mai a ni,” tiin Abhishek hian a nupui Aishwarya Rai a fak.
Anni pahnih hi an channa film, ‘Guru’ (2007) tihlar nana New York an thlen khan an inkara hmangiahna par lo vul chhuak chu thup hleih theih ni tawh lova, Abhishek hian a nupui ni turin asawm thlu ta a ni.
An inneih hnu hian ‘Raavan’ (2010) film-ah an inlan dun leh a, tunah fanu duhawm tak Aaradhya Bachchan (11) an nei mek.