Delhi Police Cyber Cell chuan FIR thehlutin khawvel huapa India ram tihmualpho tumna thuthang awmte chu an enfiah dawn tih senior police officer chuan a sawi.
FIR hi Twitter handle pakhatin ‘toolkit’ a tar lan vanga theh lut an nih thu sawiin he post hi a hnuah paih (delete) a ni a. FIR-ah hian mi mal hming tar lan a awm lo.
Praveer Ranjan, Special Commissioner of Police chuan FIR hi section 124A (sorkar pawisawina), 153 (buaina chawk chhuak tuar tum renga mi chawh phur), 153A (inhmelmakna) leh 120B (phiarrukna) tlawhchhana theh luh a ni.
“Lo neitute lungawi lohna chungchangah hian Delhi Police chuan social media an thlithlai reng a. Social media hmangtu 300 vel chu huatna leh mi dangte pawisawina siam thei zingah rin luh an ni a. Heng hmangtute hi pawl emaw, mi mal emaw, sorkar sawichhiat tumtute an ni hlawm,” tiin Ranjan hian a sawi.
Police-te chuan lo neitute hian an lungawi lohna chungchangah hian eng thil nge pawi thui thei a, eng thil nge an tum ber tih pawh an hre chiang lo niin an sawi a. Hemi karah hian mi tute emaw hêm lo thlak fotu an awm niin an tarlang.
Social media an enfiahnaa toolkit an tih hi document niin hmun hrang hrangah thehdarh a ni.