Aizawl: February 5, 2023 (Pathianni) chawhnu khan Mission Vengthlang Kohhran Biak In-ah Synod Mission Board hnuaia thawk tur Missionary Tirh chhuah inkhawm neih a ni.
Tirh chhuah inkhawm hi Synod Mission Board Secretary Rev. R. Lalhmingsanga’n a kaihruai a, Upa Lalthahluna Ralte, Coordinator, Synod Mission Board-in Missionary tirh chhuahte inhmelhriattirna neiin, Rev. Dr. C. Chawnghmingliana, Synod Moderator-in tirh chhuahna hun hmangin thuchah a sawi a. Rev. Dr. K. Lallawmzuala, Executive Secretary i/c Mission-in tawngtaisakna hun a hmang.
Missionary tirh chhuah turte hi mipa 27 leh hmeichhia 22, an vaiin 49 an ni a. Evangelist teacher 22, evangelist 21, medical pali leh craft teacher pahnih an ni.