15th Finance Commission chuan sorkar laipui hnena state panga hnena pawisa (special grant) pe tura a rawt zingah Tripura chu telin Rs Vbc 875 pe turin a rawt.
15th FC-in sorkar laipuia rawtna a thlente hi khualzin lam tihhmasawnna tura pawisa pek tur a ni a. Tripura hian kum nga lo awm leh tura pawisa pe tura an dil zat erawh an hmu lo.
Tripura hian nikuma 15th FC-in an state an tlawh khan kum 2020-25 chhungin Rs Vbc nuai 1.08 pek dan ngaihtuahsak turin an thlen.
Sorkar laipui hnena heng pawisa an dil hmanga thawh tur an sawi zingah district an neih pasarih khawpuite tihhmasawnna tur te, Mata Tripureswari temple-a ropeway siamna tur leh Neermahal-a light & sound show siamna tur pawh a tel.
Rs Vbc 400 senga Champaknagar leh Champaicherra-a River Haora check dam siamna tur leh ropeway leh light & sound show siam nan pe tura rawtna chu a thlen.