Aizawl : Mizoram st- ate assembly thutkhawm, naktuk atanga tan turah Home Minister Lalchamliana’n Uniform Civil Code dodalna official resolution a pulut dawn.
UCC dodalna resolution putluh ni tur leh sawiho ni tur erawh an sawi theih loh thu Assembly secretariat lamin an sawi.
Tarlan tawh angin January ni 30, 2023-a rorellai MNF legislature party ţhu khawm chuan Assembly thutkhawmah UCC duh lohna pass dan kawng dap an rel a. He thu hi bawhzui nghal niin, naktuk atanga tan tur Mizoram state assembly thut- khawmah Home Minister Lalchamliana’n Uniform Civil Code duhlohna official resolution chu a pulut dawn ta a ni.
Hetih lai hian Union Law Minister Pu Kiren Rijiju-a’n Rajya Sahba MP K. Vanlalvena zawhna chhangin UCC hman tumna a la awm rih lo niin a sawi a. Rajya Sabha MP K. Vanlalvena leh Lok Sabha MP C. Lalrosanga ten UCC bill chu parliament-a putluh a nih chuan dodal an tum thu an lo sawi tawh bawk.