Aizawl : Champhai Ba- wrhsap James Lalrinchhana’n Inrinni khan North Khawbung khua tlawhin VC leh NGO hruaitute a kawm a. North Khawbung khua leh a chhehvela pipu sulhnu, khawtlang leh sorkar hmunhma pawimawhte tlawha thawktute kawmin, mamawh leh tul dangte a sawipui bawk.
Champhai Bawrhsap chuan North Khawbung khawtlang hruaitu ten an khua leh a chhehvela pipu sulhnu pawimawh tak tak humhalh kawnga an hma- lakna a fak a. Khawtlang hmasawnna tur te pawh office-a dawhkan kila sawi mai lova, a hmun ngeia kalchilha hmalak tulte enfiah tluka tha a awm loh thu leh sorkar hmalaknate khawtlang mipui ten tha taka an thlawp a pawimawh thu a sawi.
Khawtlang mamawh leh tulte vawilehkhata tihhlawhtlin vek theih a nih loh thu sawiin, Champhai Bawrhsap chuan khawtlang tana tha tur ang zela hmalak a pawimawh hma- sak thu a sawi a. Khawtlang hruaitu ten sorkar hmunhma cheibawl leh enkawl kawnga neitu thinlung an pu thin pawh fak- in, thawhhona tha tak va- wngnung zel turin a chah.
Champhai Bawrhsap chuan zirna chu a bulthum atanga uluk taka kalpui a tul thu pawh sawiin, hmasawn zawnga kal tura ngaihtuahna thar leh tha zawkte ngaihtuah fo thin turin zirtirtute a chah a. Khawtlang hruaitute chu sorkar thupek leh hriattirna chhuahte tha taka kengkawh tur leh mipuite zirtir kawnga tan la tura chahin, dan lova thil tih ven leh man chhuah kawngah theihtawp chh- uaha sorkar tawiawm turin a sawm bawk.