CANCER VEN NANA TIH THEIH TE

1. Pian mawi tak nei turin bei la, i taksa tichhe thei tur khawp erawh chuan i rihna kha ti hniam suh ang che. I taksa rihna i vawn that chuan ( i san zawng leh i rih zawng kha a in mil tur a ni) Cancer mai bakah lung natna leh Diabetes lakah pawh a veng dawn che a ni. Kan rih lutuk chuan Cancer natna te hi kan vei awl bik.
2. I taksa che tam rawh se.
   Nikhatah minute 30 tal i taksa chu sawizawi thin ang che. Taksa sawizawi hian lung a ti hrisel a, lung cancer lakah min veng thei bawk a ni.

Chumi piah lamah chuan kan rit lutuk tur pawh min veng a, zir mite chuan taksa sawizawi hian amah ringawt pawhin Cancer venna kawngah nasa takin minpui a ni an ti.

3. Chaw leh ei tur dang, mawm/thau pai tlem apiang eiin thlang thin ang che. Chaw ei tur tinrengah hian kan taksa tana tha lo tur khawp a tam, mawm pai tam zual bik a awm
   a, hetiang lam chi hi chu ei tam lo hram ang che. Thil thlum lam pang in chi te pawh tih loh ngam a pawimawh. Thil tuiril thlum lam chi, soda, ice-tea, energy drink-Cocacola kan tih te hian thau a pai a tam avangin Cancer vei theihna chance a tisang thei a ni. Heng aia in tur hrisel ) tui thianghlim, thingpui hang etc. te in tam ang che.
4. Thlai hring lam pang ei uar ang che. Thlai hring chi hrang hrang te, thei thar lam te, be lam pang chi reng reng te ei tam ang che. Chaw ei apiangin thlai hring a tam thei ang ber ei tum la, chu chuan Cancer lakah min veng. Heng thlai hring hian Fiber te, tuiril te, chakna te a pai tam a, thau a pai tlemin taksa rit lutuk tur vengtu atan a tangkai em em bawk a ni.
5. Sati sen lam chi –
   Bawngsa, vawksa, beramsa ei tam suh ang che, heng sate hian taksa ti chaktu an pai tam avangin taksa tan a tha em em a, kar khat a kg 1 vel ei chuan Cancer a thlen lo va, chu aia tam erawh ei chuan rilpui cancer a thlen thei a ni. Sa dah that leh vawt that ang chi te pawh hi ei tam loh tur a ni. Sa vawnthatna atan hian chemical chi hrang hrang an hmang thin a, tin, an rep thin bawk a, heng hian cancer veina chance a tisang a, ei loh hram a tha a ni. Sa i ei a nih pawhin sa hring ngei ei thin ang che.
6. Zu in loh a tha ber a, Zu i lo in thin a nih pawhin a chin tawk nei la, bi tuk nei ang che. Sciencetist-te chuan zu hian Cancer natna chiang takin a thlen thei tih an hmuchhuak a, zu hian chawp leh chilh in DNA a tichhia in ka chhung, aw bawm, hrawk, chawkawng leh hnute cancer te a thlen thei a ni. Thin Cancer te a siam a, tin, hmeihchhiaah chuan rilpuI cancer a thlen thei bawk a ni.
7. Chi ei tlem ang che. Chi hmang a eitur hmanga an vawt that te ei tam suh ang che. Chi al ei tam lutuk hian pumpui cancer neihna chance a tisang hle a ni.
8. A theih hr am chuannaute chu thla 6 chhung tal hnute pe ngei thin ang che, chumi hnuah chuan thil tuiril dang a chawah i chawm thin dawn nia, nu hnute tui hian naute than a ti tha a, natna tam tak lakah a venghim bawk a ni. Tin, naute hnute pek hian nu hnute Cancer lakah a veng a, naute hnute pek hian hormones atanga Cancer in siam theihna chance a tihniam a, chu chuan nu in hnute cancer a neih theihna lakah pawh nasa takin a veng a ni.