Aizawl: Excise & Narcotics Department (END)-in heroin gram 514 (hawng 40) an man.
Pathianni chawhnu dar 12:50 khan END hian Bawngkawn (Lunglei Road)-ah heroin gram 503 (hawng 39) leh a neitu nia puh mi pathum – Z. Rozampuii (22) leh C. Malsawmdawngliana (20), Lunglei Ramthar venga khawsa ve ve nia inchhal leh Lallawmzuala (27), Luangmual, Chithar road, Lunglei-a khawsa nia inchhalte chu an man.
END leh Central Anti-Drugs Squad thawk dun chuan Pathianni zan khan Falkland venglaiah heroin gram 11 (hawng khat) leh a neitu nia puh – Lalliankhuma (23), Falkland venglai-a khawsa nia inchhal an man bawk.
Heroin vanga mante hi Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni.
END hian January thla chhung khan heroin Kg 3 & gram 599 an man tawh bawk.