Aizawl : ZPM Thalaiin MNF sorkar chu Lengpui Airport sak dan zahpuiah an puh.
February 4, 2023 khan ZPM |halai hian an president Dr C Lalrammawia hoin Lengpui Airport an tlawhin, khualzinte harsatna, bungraw nawrna trolley indaih lohna leh thil dang chungchanga an lo au chhuah pui tawhin ngaihsak a hlawh tawk lo chu pawi an tih thu sawiin, “Mipui ngaih pawimawh lohna lian takah kan ngai a; tuna Lengpui Airport kan tlawh tumah pawh GAD atangin Airport Terminal chhungah thlalak an phal lo hi mak kan ti,” tiin, MNF sorkar-in Lengpui Airport an sak dan zahpuiah an puh.
ZPM Thalai chuan bungraw nawrna trolley 22 chiah hman tur a awm te, insak bungrua thiarnaa hman a nih avanga trolley tam tak chhia a awmte leh sum tam tak sen ralna Airport sak hna muang lutuk leh a hna chhe lutuk chu pawi an tih thu an sawi.
March 2, 2023-a G-20 summit Mizoramin a thlen turah MNF sorkar hian Lengpui Airport hnathawh muang leh chhia avang hian mipui a tih mualpho an hlauh thu an sawi bawk.