Aizawl : UD&PA Department-in nikuma Mizoram khaw fai inelna a bu- atsaiha Lawngtlai khawpuiin district khawpui zinga faina kawnga hmasawn chak ber lawmman an dawn chu Thawhtanni khan an lawm a. Lawngtlai Ba- wrhsap Amol Srivastava-a’n Lawngtlai-in faina kawnga chak taka hma a sawn theih chhan chu mipui ṭanrualna vang a nih thu a sawi.
Lawngtlai Bawrhsap chuan faina kawnga hmalatu UD&PA depar- tment, LADC hnuaia – Sanitation, LAD leh Re- venue department-te bak ah department dang te, state hnuaia department hrang hrangte, VC leh tlawmngai pawl hrang hrangte, kohhran, zirna in, media leh local ambassador te, children sanitation club leh Lawngtlai mipui zawng zawng lawmthu a hrilh a. “Faina kawngah hnu- ngtawlh a thiang tawh lo” tiin, hmasawn zel tura thapui chhuah turin Law- ngtlai mipuite a chah.
Lai Autonomous Di- strict Council (LADC)-a Executive Member i/c Sanitation department Lalropuia Chinzah paw- hin an lawmman dawn chu chona thar petua hmanga, a aia sang thleng tura theihtawp chhuah zel turin Lawngtlai mipuite a sawm a. Faina kawnga hma an sawn zel na turin LADC-a Sanitation department-in tun thla atang hian uluk zawka bawlhhlawh thliar- hran kalpui turin Electric Veng, AOC Veng leh La- wngtlai-III-ah te hmalak a tum thu leh tun thla chh- ung vekin leivung paihna felfai zawk ruahman tum a nih thu a sawi bawk.