Alfa Romeo chu kumin Formula 1 season thar atana an car thar nih phung dik tak phochhuak hmasa ber an ni a. Thawhlehni khan kumina an hman tur C43 an tlangzarh.
Switzerland a inkhuar, Italian team hi kuminah a tawp nan Alfa Romeo angin an intlansiak dawn a. Nakkum atangin team kalpuitu Sauber Motorsport in Audi factory team an thawhpui tawh ang.
C43 hi season hmasa lama an car nen a danglamna lian ber chu a hnung lam an siam dan a ni a, hei hian car pian pawh engemaw chen a tidanglam.
Kum 2021 season a pakuana an nih hnuah nikum khan F1 technical rules thar hman a nihin hnuah hma an sawn hle a, parukna ni theiin kuminah hmasawn zawnga kal zel an inbeisei.
Technical director Jan Monchaux chuan, “A hnung lam kan thlurbing a, mahse hei hian hmasawnna ni thei tur thil tam tak a keng hnem hle. Car rintlakna lamah kan hnathawh hian hmasawnna thui tak a keng tel ang.” a ti.